Достлуқ өйидә «Алтун бөшүк» фестивали өтти

0
239

 

Достлуқ өйидә «Алтун бөшүк» фестивали өтти

          26-апрель күни Алмутидики Достлуқ өйидә 1-май Қазақстан Хәлқи бирлиги күнигә беғишланған «Алтун бөшүк»намлиқ фестиваль болуп өтти. Мәзкүр чарә-тәдбир   Тунжа Президент Нурсултан Әбишоғли  Назарбаевниң «Рухани жаңғыру»  программиси чәмбиридә өткүзүлүп, униңға жумһурийәтлик вә Алмута шәһәрлик этномәдәнийәт мәркәзлириниң  ижадий коллективлири иштрақ қилди. Фестиваль Қазақстан Жумһурийти Президенти йенидики  «Қоғамдық келісім» коммуналлиқ дөләт мәһкимиси, Алмута шәһиридики Достлуқ өйиниң паалийитини тәминләш хизмити, Т.Жүргенов намидики Қазақ Миллий Сәньәт Академияси (Қазақстан тарихи вә ижтимаий пәнләр кафедриси), шундақла Назарбаев университетиниң  Алмута шәһиридики вәкиллиги тәрипидин уюштурулди. Чарә-тәдбирниң асасий мәхсити:  яшлар арисида миллий қәдриятләрни сиңдүрүш, миллий урпи-адәтләрни сақлап қелип вә аммивийлаштурушта ярдәм қилиш, милләтләр ара  мәдәний  бирликни техиму күчәйтиш, мәдәнийәт мәркәзлири йенидики яшлар ижадий коллективларлирини риважландуруш болуп һесаплиниду. Мәрасим давамида миллий бөшүк мавзусида сәһниләштүрүлгән көрүнүшләр көпчиликниң диққитигә тәғдим етилди. Тамашибинлар қазақ, уйғур, түрк, рус, украин, немис милләтлириниң «бөшүкни тәйярлаш», «бөшүккә бөләш» урпи -адәтлири, хәлиқ иримлири,  заманивий композиторларниң һәм хәлиқ бөшүк нахшилири билән тонушти. Уйғурларниң урпи-адәтлирини  намайиш қилған Бахтияр Имран рәһбәрлигидики «Долан» миллий уссул ансамбли  «Бөшүк уссули»  билән көпчиликни қаил қилди.

Фестиваль ахирида барлиқ қатнашқучилар Пәхрий ярлиқлар вә әсләтмилик соғилар билән тәғдирләнди.

Гүлжамал  Имәржан журналист

Бөлүшүш:
Реклама

ЖАВАП ҚАЛДУРУҢ

Пожалуйста, введите ваш комментарий!
пожалуйста, введите ваше имя здесь