Қәдирлик қериндашлар!

0
174

Мәлумки, бүгүнки таңда, санақлиқла әхбарат васитилирини һесапқа алмиғанда, уйғур тилидики әхбарат мәйданиниң анчә  риважланмайватқанлиғи, болупму, миллитимиз зиялилирини тәшвишләндүриватқан һадисигә айланди. Лекин Қазақстан Уйғурлириниң Жумһурийәтлик этномәдәнийәт мәркизиниң һәм шәхсән миллитимиз жанкөйәри, меценат Закиржан Кузиевниң   қоллап –қувәтлиши түпәйли ушбу сайт https://uyghur-center.kz/ өз ишини башлиди. Мәзкүр әхбарат порталида биз, Жумһурийәтлик уйғур этномәдәнийәт мәркизиниң иш-паалийити һәққидә материалларни, җәмийәттики йеңилиқларни, миллитимизгә аит илмий мақалиларни, әдәбий әсәрләрни һәм кәлгүсидә аудио вә видео фильмларни җамаәтчилик нәзәригә тәвсийә қилмақчимиз. Йеза егилиги вә қурулуш саһасидики йеңи технологияләр билән тонуштуруп, малийә саһасида болупму банк саһасидики толғандуридиған соалларға җавап издәп көримиз. Әң муһим мәхситимиз: ана тилимизда әхбарат тарқитиш вә шу арқилиқ яш әвладимизға заманивий әхбарат мәйданиниң кәң дуниясиға ишик ечиш. Бизниң тор бетимиз хәлқимиз үчүн пайдилиқ болидиғанлиғиға ишәнчимиз камил. Маркетингилиқ тәһлилләрниң нәтижисидә бүгүнки күндә уйғурлар һәққидә рус тилидики сайтлар аз әмәс, бирақ бизгә ана тилимиздики әхбарат бетиниң һажәтлиги һәммимизгә аян. Нийитимиз, мана мошу сайтимиз арқилиқ ушбу бошлуқни толтуруш. Хәлқимиздә «Ялғуз атниң чеңи чиқмас» дегән дана гәп бар. Әлвәттә, бизгә, пәқәт өзимизниңла әхбарат мәнбәлиримиз азлиқ келиду. Шуңа, алимлиримизни, язғучи-шаирлиримизни, журналистлиримизни, устазлиримизни, дуниядики һәрбир қериндишимизни мәзкүр сайтниң паалийитигә өз һәссисини қошидиғанлиғиға үмүт қилимиз. Силәр әвәткән материалларни тәһрирлик қилип, тор бетимизгә орунлаштурушни көздә тутиватимиз. Бизгә пәқәт айрим шәхсләр тоғрилиқ материаллар әмәс, бәлки кәспий вә күндилик иш-паалийәтләр үчүн пайдилиқ мақалилар керәк.  Һөрмәтлик достлар,  https://uyghur-center.kz/ сайтиға мәрһәммәт!

Бөлүшүш:
Реклама

ЖАВАП ҚАЛДУРУҢ

Пожалуйста, введите ваш комментарий!
пожалуйста, введите ваше имя здесь