Қазақстанниң хәлиқара дәриҗидики спорт маһири Абдурешит АБДРАХМАНОВ 73 йешида аләмдин өтти

0
112

17 май күни Алмутида исми ривайәткә айланған шәхсләрниң бири, Кеңәш Иттипақиниң икки дүркүн чемпиони, Қазақстанниң хәлиқара дәриҗидики спорт маһири Абдурешит АБДРАХМАНОВ 73 йешида аләмдин өтти.

Абдурешит АБДРАХМАНОВ 1946-жилниң 20 –июньда дунияға кәлди. Қазақ Дөләт тәнтәрбийә институтида тәһсил көргән. Қазақстанлиқ боксчилар арисида биринчи болуп хәлиқара дәриҗидики спорт маһири аталған. Абдурешит Һаким оғли бокс бойичә СССР кубогини йеңивалған (1969-ж.), Кеңәш Иттипақиниң икки дүркүн чемпиони (1970 — 1971-ж.ж.). АҚШта, Европида, Африкида өткән хәлиқара мусабиқиларниң ғалиби. Җумһурийитимиздә спортниң бокс, ушу-саньда, тай-бокс түрлириниң тәрәққий етишигә салмақлиқ үлүш қошқан. Исми дунияға тонулған бир нәччә спортчиниң устази. Абдурешит ака Шакен Аймановниң «Ақ квадрат» фильмида баш рольни иҗра қилди. Улуқ қирғиз язғучиси Чиңғиз Айтматовниң әсәри асасида чүширилгән «Буранный полустанок» фильмдики баш қәһриманниң ойниғини үчүн «Қирғизстанниң хизмәт көрсәткән артисти» атиғиму берилди. Бу фильм 1996-жили Берлинда өткән фестивальда дуниявий киносәньитигә қошқан зор үлүши үчүн « Алтун камера» мукапитиға еришти. Умумән Абдурешит Абрахманов оттуздин ошуқ фильмда роль ойнап, бу җәһәттинму көпчиликниң иллиқ ихласиға бөләнгән. Мәрһумниң аилисигә, қериндашлириға чоңқур қайғуруп тәзийә билдүримиз.   Абдурешит  Абдрахмановниң дәпнә мәрасими әтә 18 май күни, саат 14 00 Кеңсайда

Бөлүшүш:
Реклама

ЖАВАП ҚАЛДУРУҢ

Пожалуйста, введите ваш комментарий!
пожалуйста, введите ваше имя здесь