Әрәп аяллири турмушта пайдилинидиған қувлиқлар: уларниң әрлири әң бәхитлик

0
377

Әрәп аяллири өзиниң йолдишини жәлип қилипла қоймай, униң әң сөйүмлүк рәпиқисигә айлинишни билиду. Бу ишни улар қандақ әмәлгә ашуриду? Қандақ йолларни қоллиниду? Мана мошу һәққидә тәпсилий гәп қилайли.

Әр киши-аилиниң башчиси

Әрләрниң аилә башчиси екәнлиги шәриқ ханум-қизларға кичигидинла нәсиһәт қилиниду. Аялниң йолдишиға қарши сөзләш һоқуқи йоқ вә униңға чоқум беқиниши керәк. У пәқәт өз пикрини бизар түрдә әмәс изһар қилиду, кейин йолдиши бу пикиргә қулақ селиши мүмкүн.

Әмәлийәттә, әрәп әрлири өз аяллирида мунайимлиқ, көнүшлүк, жугачлиқ, шундақла чидамлиқ кәби хисләтлирини жуқури баһалайду.

Йәни, көпчилик арисида можут пикиргә қарши ейтмақчимиз, шәриқ аилилиридә әр кишиниң башқуруши, униң залим болуши әмәс. Мундақ аилиләрдә аял киши ана вә рәпиқә ретидә чоң иззәт еһтирамға  егә. Униңдин башқа аялиға һөрмәт билдүрүп, соғиларни һәдийә қилиши вә өзигә яриша көңүл бөлүши әр кишиниң борчи.

Шәриқ аялиниң баш таланти шуниңдин ибарәтки, у йолдишиға йәткүзгән әхбаратни әр киши өз идеяси сүпитидә қобул қилиду. Муһими, шуниңдин  йолдишиниң бу пикрини кейин қоллап-қувәтләш. Һәқиқәтән, бу идея кимниң ойиға кәлгини әмәс, бәлки униң нәтижиси һәр иккисиниң көңлидин чиққидиғанлиғи муһим.

Дайимлиқ өзини күтүш 

Һәр қандақ әрәп аяли өзини күтүш қабилийити билән әр кишини жәлип қилиду, чүнки у өз йолдиши алдида гөзәл болуши керәк. Яш көрүнүши  үчүн аяллар чач, үз көзи вә тениниң териси үчүн пайдилиқ васитиләрни пайдилиниду. Униңдин сирт, улар декоратив бояқларни һәр жәһәттин ишлитип, өйдә аялларға яришидиған чирайлиқ вә баһалиқ кийим- кечәкләрни кийиду.

Россиялиқ аяллар шәриқ аяллириниң үстидики аддий кийимлири-йәни яғлиқ, узун юбка, йепилған мүрилирини көрүп, униң астида наһайити қиммәт баһалиқ көйнәкләрниң бар екәнлигигә ишәнгүси кәлмәйду.  Бу һәқиқәт, улар өз рәпиқилирини наһайити очуқ кийим кечәкләр билән ачиғини кәлтүрмәйду, әксинчә әрлири уларниң барлиқ йери йепилған кийимлири билән пәхирлиниду.

Рәпиқиси һәққидә гәпләр

Шәриқ аялиниң йолдишиға қаритилған яман сөзләрни аңлимайсиз, әгәр йолдиши йенида турса, униң ләвзидин пәқәт «меһрибан ата», «ғәмғузар әр», «әжайип ғожайин» вә «әң данишмән әркәк» охшаш махташлар төкүлиду. Шәриқ аяллири әрлирини көпчиликниң көзичә мақтап, униң ижабий тәрәптин қобул қилинишиға зәмин яритиш охшаш қувлуқ йоллирини билиду-бу әрләр тәрипидин баһалиниду.

Әң яхши әри бар вә йолдиши һәққидә әтраптикиләргә сөзләп беридиған аяли бар аилиләргә қарап, улар бәхитлик өмүр сүрүватқанлиғи пәқәт әр кишигә бағлиқ екәнлигини чүшүнисиз.

Рус аяллири көп вақтида немә қилиду? Өз ара, айрим вақтида көпчилик арисида улар йолдишини қандақ «пеқиртидиғанлиғи» һәққидә сөзләйду, чүнки «улардин яхшилиқ күтүш мүмкүн әмәс». Буни аңлиған шәриқ аяли, бир еғиз сөз қилмайду, сәвәви бу униң иши әмәс.

Әр-аяллиқ борч һәммидин әвзәл

Шәриқ аяли өз йолдиши билән һәр қандақ вақитта  жинсий мунасивәттә болушқа тәйяр, чүнки бу униң беваситә борчи. Әгәр әр киши бир нәрсә тәләп қилса, униң рәт қилиш мүмкүн әмәс.

Әжайип сайипханиләр

Шәриқ аяллири-әжайип сайипханиләр. Улар өз өйидә барлиқ мүмкүнчиликләр яритип, әң татлиқ таамлар тәйярлап  меһманларни күтүшкә тәйяр. Мусулман аяли үчүн уруқ туққан-әң улуқ, йолдишиниң дост-бурадәрлири –әң йеқин инсанлар. Шәриқтә яхши йейилған дәстихан-аилә байлиғиниң көрсәткүчи, буни шәриқ аяллири жуқури дәрижидә намайиш қилиши керәк.

Динийлик

Шәриқ аилилиридә дин мәсилисигә наһайити чоң көңүл бөлиду, чүнки дин аилә әзалирини техиму бирләштүриду. Барлиқ диний тәләпләрни вә әньәниләрни орунлаш аял кишигә жүклиниду, өз новитидә у мәзкүр ишқа чоң жавапкәрлик билән қариши һажәт.

Аял- өйниң берикити

Шәриқ аяли өйниң берикитини сақлиғучиси сүпитидә әң илғар мисал болалайду. Һәр қандақ аилә әзалири арисида вәзипиләр жиддий һалда жүклиниду.  Шунда өйни паккиз вә сәрәмжан тутуш, шундақла балиларни дунияға әкелип, уларни тәрбийәләш охшаш вәзипиләр аял кишигә жүклиниду. Әр кишиниң асасий мәхсити өз аилисини тәминләш. Бирақ шәриқ әр кишилири аялларға өй хизмити бойичә мутләқ ярдәм қилмайду, чүнки улар аялларға жүкләнгән ишни қилмайду.

Россияда можут пикиргә қарши ейтмақчимизки,  шәриқ аяллири жәмийәтлик паалийәтләр билән шуғуллинишқа вә ишқа киришкә толуқ һоқуқи бар, амма әмәлийәттә ундақ аяллар анчә көп әмәс, улар көпинчә әньәнә бойичә өзини аилә вә балиларни тәрбийәләшкә беғишлайду. Мениңчә, шәриқ аяллириниң мужәз-хулқини вә әхлақини дурус қобул қилиш үчүн Шәриқтә туғулуп, чоң болуш керәк. Шундиму, уларға риайә қилиш бәхитлик аиләвий өмүрниң вә аманчилиқниң бәлгүсидур.

Sil.ru

Тәһрираттин: Әлвәттә, һәр бир милләтниң аиләвий мунасивәтләр бойичә  алаһидилиги бар. Биз уйғурларму бу жәһәттин өзимизниң миллий әньәнилиримизгә егә. Лекин жуқуридики мақалидин оқурмәнимиз өз алдиға мулаһизә қилиш үчүн озуқ алидиғанлиғиға ишәнчимиз камил.

Бөлүшүш:
Реклама

ЖАВАП ҚАЛДУРУҢ

Пожалуйста, введите ваш комментарий!
пожалуйста, введите ваше имя здесь