Шаһимәрдан Нурумов: «Қасым-Жомарт Токаев-хәлиқниң таллиши»

0
66

Новәттин ташқири президент сайлиминиң нәтижилири һәққидә Қазақстан Парламент Мәжлисиниң депутати, Жумһурийәтлик Уйғур этномәдәнийәт мәркизиниң рәиси  Шаһимәрдан Нурумов өз ойи билән бөлүшти. Униң пикричә президент сайлимидики К.Токаевниң утуғи чоқум һәқлиқ.

— Қасым-Жомарт Токаев сайлиғучиларниң көпчилик авазлириға егә болди,  униң үчүн 6 миллиондин ошуқ қазақстанлиқлар  өз авазини бәрди. Бу һадисә елимиз хәлқи Елбаси Н.Назарбаевниң стратегиялик йолиниң давамлишишини таллап алидиғанлиғини тәстиқләйду. Этномәдәнийәт мәркизиниң рәиси сүпитидә мән течлиқ вә милләтләр ара бирлик тәрәпдари, шуниң үчүн шәхсән өзәм Тоқаев үчүн аваз бәрдим,-деди хәлиқ вәкили.

Дөләт башчисиниң иннаугурациядә сөзлигән сөзи айрим диққәткә сазавәр,-дәп һесаплайду Ш.Нурумов.

—Қасим-Жомарт Кемелоғли, вәдә бериш керәк әмәс, әмәлийәттә орунлаш керәк, дәп уддул ейтти. Пухраларниң реал турмуш әһвали униң үчүн әң муһим екәнлигини тәстиқлиди. Бу қазақстанлиқлар һаятиниң яхшилинишиға үмүтләндүриду. Президентниң бу кәң даирилик программисини әмәлгә ашурушқа ярдәм қилиш үчүн Һөкүмәт билән Парламентқа көп вә қаттиқ ишләш һажәт,-тәкитлиди Мәжлис әзаси.

Қасым-Жомарт Токаевниң тәкливи билән  жәмийәтлик ишәнчә қилиш  миллий кеңиши қурулди. Мәзкүр кеңәш жәмийәтниң һәр хил қатламлириниң көз қариши инавәткә елинидиған тәңдиши йоқ мәйданчә болиду.

—Хәлиқ пикригә қулақ селиш наһайити муһим.  Һөкүмәт вә жәмийәт арисидики диалог, мана мошу тоғрилиқ К.Тоқаев хизмәткә туруш тәнтәнисидә гәп қилди, униңсиз биз күчлүк вә рәқипләнгән Қазақстаннни қуралмаймиз. Өз пикрини очуқ изһар қилиш мүмкүнчилиги- бу демократияниң асасинисалғучи принциплириниң бири,— тәкитлиди Ш.Нурумов.

Бөлүшүш:
Реклама

ЖАВАП ҚАЛДУРУҢ

Пожалуйста, введите ваш комментарий!
пожалуйста, введите ваше имя здесь