Фермерлар вә дачниклар үчүн 5 заманивий қолайлиқ технологиялар

0
116

Фермерлар вә дачниклар (шәһәрниң сиртидики язлиқ өй егилири) үчүн муһим болған заманивий технологиялар


Яз пәсли  фермер вә дачниклар үчүн муһим жил мәзгили болуп һесаплиниду.Буниңдин бир нәччә жиллар илгири фермерлар билән дачниклар таң атқандин та  кәч патқичә етиз – ериқта өзлириниң муһим қурали кәтмән билән   әмгәк қилатти.Бүгүн заман тәливигә бола, адәмниң өзи әмәлгә ашуруши керәк болған ишни «электроника»  әмәлгә ашуриду.Биз силәргә заманивий  аләмдә әң алдинқи қатарлиқ әлләр қоллинидиған йеза егилигиниң 5 әң қолайлиқ заманивий технологиясини тонуштурмақчимиз.

 Edyn  «әқиллиқ» бағ

Смартфонлар күн санап адәмзатқа бурун көз алдиңизға кәлтүрүп болмайдиған мүмкинчиликләрни  ачмақта. Мәсилән: мобильлиқ телефонниң ярдими  арқилиқ, өйдин чиқмастин фермерлиқта   наһайити чоң утуққа йетиш мүмкин. Бу утуқни қолға йәткүзүш үчүн сизгә  әқиллиқ бағ Edyn  системиси  ярдәм бериду.

Edyn – бу электр энергияси билән ишқа қошулидиған, бир – бири билән бағлинишлиқ келидиған датчиклардин вә шуларға ярдәмчи ретидә қошулған анчә йоған әмәс, күн нури билән ишқа қошулидиған панельлардин ибарәт.Бу сенсорлар йеза егилиги үчүн муһим болған өсүмлүкләрниң әһвали, топидики оғутниң мөлчәри, күнниң чүшиши, ямғур – йешинниң мөлчәри йәни һава билән топиниң температурисини һәр қачан тәкшүрүп, уни назарәт қилишқа  ярдәм бериду.

Бу қолланма арқилиқ елинған һәр бир әхбарат компьютер билән қайта ишлинип, әмәлияттики вақит арилиғида қолланғучиниң телефониға келип чүшиду.Елинған әхбарат асасида қолланғучи керәклик иш – һәрикәтни (мәсилән: өсүмлүкләргә су қоюш, топини оғутлаш вә һаказилар) әмәлгә ашуриду.Бу ишни әмәлгә ашуруш үчүн фермерға һәтта юмшақ дивандин туруп, иссиқ аптапқа чиқишниңму һажити йоқ.

Буниңдин бөләк, «әқиллиқ» бағ вә бағчә Edyn қурали келәчәктә жиғин – теримдин көп һосул елиш үчүн немә қилиш керәк дегән соалға жавап бериду. Edyn йүзлигән өсүмлүкләр вә уларни күтүш усуллири тоғрисидики әхбаратлар сақланған булут сервиси  билән бағлинишлиқтур.

 

Rosphere – робот-чашқан  йеза егилигигә  ярдәм бериду

Мадридлиқ политехникилиқ институтниң инженерлири Rosphere  роботини кәшип қилип, униңға  һәжиминиң кичиклиги,шар шәклидики формиси жәһәттин егинләрни йәйдиған зиянкәш чашқанниң (хомяк) сөйүмлүк оюнчуғини әслитидиғанлиғи үчүн  «хомячок» дегән ләқәм бериду.Шуни тәкитләш керәкки, етиға яриша бу робот  етиз – ериқтики егинләрни йоқ қилиш үчүн әмәс, бәлки фермерларниң һаятини йеникләштүрүш үчүн, мол һосул елиш үчүн кәшип қилинған.

Rosphere – бу фермерниң «көзи». Шар шәклидики робот бағлар, етиз – ериқлар арқилиқ автономлуқ режимда уларни назарәткә елип, қозғилиш имканийитигә егә. Робот-хомячок Rosphere, зираәтләр қурлири ариси билән меңип, өсүмлүк вә  топиниң әһвали тоғрисида әхбарат топлайду һәм зиянкәшләрниң бар – йоқлуғини ениқлайду, һосулниң мол болушиға имканийәт яритиду.

Мундақ шараитта фермерға пәқәт компьютер арқилиқ актуал әхбаратни елип, керәк вақитта дурус чарә қоллиниш  ишила қалиду.

Rosphere – робот-хомячок фермер ярдәмчиси

Отлақтики калилар үчүн  QR-код.

Реклама – сода – сетиқни ишқа қошқучи асасий күч, заманивий технологиялар болса,бизнестики утуқниң асаси.Бу шиар йеза егилиги үчүнму актуал санилиду.Ойлинип көрүңа, калиларға  уларниң биқин тәрипигә йезилған QR-кодниң һажити немә?

Буниң бирла ениқлимиси бар – уларниң егилири ахчини көпләп тепиши үчүн.Бу аддийғина идея Уэльс фермерлириниң ойиға келип, шулар тәрипидин әмәлгә ашурулған.Улар өз елигә кәлгән туристларниң көп вақитларда отлақта жүргән калиларниң қешиға келип, уларни сүрәткә чүшүрүп жүргинини байқиған.Демәк, мозайларни мошу ферма мәһсулатиниң тирик рекламисиға айландурса болиду дегән сөз.

Бу калиларниң биқиниға йезилған QR-код ферминиң сайти болуп, шу ферминиң тарихи  вә униң мәһсулатлири тоғрисида вә у йәрдә қоллинилидиған технологиялар тоғрисида әхбарат елишқа имканийәт яритиду. «Йешил» туризмниң жан көйәрлири болса, сайтниң шу бетидин өзлиригә  қалаймиқан шәһәрдин дәм елиш мәхситидә бир нәччә күнлүк дәм елишни броньлап алалайду.

Өйдики бағ Niwa

Достлар, фермида болуш үчүн өйдин һеч яққа чиқишниң һажити йоқ, кичиккинә көп қәвәтлик өйдә яшапму, қиш – яз озуқ беридиған өз беғиңизни бәрпа қилишқа болиду. Бу йәрдә смартфонниң ярдими билән башқурилидиған ихчам өй фермиси Niwa системиси тоғрисида ейтишқа болиду. Niwa – өйниң ичидә яки кочиға орунлаштурушқа болидиған сиртқи климатқа беқинмайдиған система.Униң ичидә өсүмлүкләр үчүн керәклик шараит сүнъий түрдә яритилиду.

Niwa смартфон яки планшетниң ярдими арқилиқ башқурилиду.Мобильлиқ девайс арқилиқ қолланғучи өзиниң өйдики ихчам беғи тоғрисидики әхбаратни өйдин жирақта жүрүпму үзлүксиз елип олтириду. Телефонниң ярдими билән Niwaниң ичидики өсүмлүкләргә су қуюп, оғут берип, йоруқни вә нәмликни өзгәртишкә болиду.

Plant Diagnostic Sample Submission — вируслиқ ағриқлар вә һашарәтләр билән күришиш ярдәм бериду

Incubed компанияси фермерлар вә бағвәнләр, деханлар үчүн пайдилиқ болған  Plant Diagnostic Sample Submission  қошумчини ишләп чиқти. Бу қошумчә өсүмлүкләр үчүн зиянлиқ болған вируслиқ ағриқлар вә һашарәтләр билән күришишкә мүмкинчилик бериду.Әгәр фермер өсүмлүк йопурмақлирида мәлум бир проблемини байқиса, шу мәһәл, уни телефониға  сүрәткә чүширип, Plant Diagnostic Sample Submission қошумчиси арқилиқ экспертлиқ центрға әвитиду. Өз нөвитидә бу әхбаратни мошу саһаниң мутәхәссислири тәтқиқ қилип, зиян кәлтүргүчини ениқлап, керәклик мәслиһәт бериду.

Incubed компанияси экспертлар ретидә Иллинойс штатидики Университетниң алимлирини чақирди.Дәсләп  Plant Diagnostic Sample Submission қошумчиси бекарға иш елип бариду, бәлгүлүк бир вақиттин кейин фермерлар алған мәслиһәтлири үчүн һәқ төләйду яки мошу қошумчиға бәлгүлүк бир вақитқа йәни бир нәччә ай яки жилға йезилиду.

https://novate.ru/blogs/070614/26607/ мәнбәсидин елинди.

Бөлүшүш:
Реклама

ЖАВАП ҚАЛДУРУҢ

Пожалуйста, введите ваш комментарий!
пожалуйста, введите ваше имя здесь