Дунияйүзилик банк Қазақстанда мал чарвичилиғини тәрәққий әттүрүш программисини қоллайду

0
107

Вашингтон шәһиридә Қазақстан Республикиси йеза егилиги Министри С.К. Омаров билән Дунияйүзилик банк вице – министри Сирилл Муллер арисида «Нәтижигә йөнәлгән Программа» (НЙП — PforR) лайиһәсини әмәлгә ашуруш мәсилиси қаралди. Бу программа асасида Қазақстанда дәсләпки қетим инвестициялиқ лайиһәләрни маддий қоллаш схемиси қоллинилиду.

Шуни тәкитләш керәкки, Дунияйүзи банки НЙП йөнилиши бойичә мәмликәтлик программилар асасида өз херидарлирини несийә билән қоллап бериду. Мал чарвичилиғини тәрәққий әттүрүшкә қаритилған  бу бирләшкән лайиһә Қазақстанниң Мәмликәтлик мал чарвичилиғини тәрәққий әттүрүш программисини қоллаш мәхситидә әмәлгә ашурилиду.

Дунияйүзилик банк бу программиниң әмәлгә ешиши үчүн 500 млн доллар көләмидә ахча бөлүшкә тәйяр. Программа 2020-2030жж арилиғида әмәлгә ашиду.

Дунияйүзи банки тәрипидин бөлүнгән мәбләғ нәтижигә йөнәлгән Пограммини уддул башқуралмайду, у пәқәт маалийә қурали ретидә қатнишиду.

Дунияйүзилик банк НЙП асасида төвәндики йөнилишләр бойичә ишларниң әмәлгә ешишиға мунасивәтлик мәбләғ бөлидиған болиду:

  • субсидияларни қизил севәттин йешилға авуштуруш арқилиқ мәмликәт чиқимини рәтләйдиған нормативлиқ базини яхшилаш,фермерлиқ егиликләрниң селиғини йениклитиш,экспорт мәсилиси бойичә һөжжәт тәйярлашни йеникләштүрүш;
  • мал чарвичилиғиниң экологиялиқ қабиллиғини тәрәққий әттүрүш, тамақ вә ветеринарлиқ бехәтәрликни сақлаш,мәһсулатни назарәткә елиш арқилиқ шундақла экспортни қоллаш арқилиқ риқабәтчиликкә қабиллиқни барлиққа кәлтүрүш;
  • йеза егиликлиридә малға беғишланған йәмниң сапасини көтириш, йәм өсүрүшкә беғишланған терилғу йәрлирини көпәйтиш,мал отлақлирини су билән тәминләш,мал чарвичилиғи мәһсулатлирини ишләп чиқириш арқилиқ йеңи иш орунлирини көпәйтиш һәм йезиниң киримини көтириш.

Кичик вә оттура фермерлиқ егиликләр вә йеза егиликлириниң арисида үнүмни базарға чиқириш бойичә мунасивәт орнитиш.

Ениқлима үчүн: Қазақстан Дунияйүзи банки топиға 1992 жилниң июнь ейидин башлап қошулған. Қазақстанниң Дунияйүзилик банк тәркивигә киришидин бу қәдәр банк тәәрипидин Қазақстанға 8,1 млрд доллар берилгән.Бу мәбләғ йеза егилиги һәм экономикиниң һәр хил қисимлирида 46 бирликтә әмәлгә ашурилидиған 46 лайиһәни ишқа қошушқа бөлүнгән.

https://moa.gov.kz/ru/post/434

Бөлүшүш:
Реклама

ЖАВАП ҚАЛДУРУҢ

Пожалуйста, введите ваш комментарий!
пожалуйста, введите ваше имя здесь