Сүнъий интеллект

Заманивий алгоритмлар бемарниң ағриғини дохтурлардинму тез ениқлайду һәм компьютерлиқ оюнларда һәтта чемпионларниму йеңип чиқиш ихтидариға егә. Амма,сүнъий интеллектниң илмий йеңилиқ ечиш қабилийити барму?

0
105

Алгоритм миллионлиған илмий мақалилар ичидин  керәклик йеңи билимни издәп тепишни үгәнди.

Word2vec намлиқ сүнъий интеллект материаллар һәққидә базилиқ билиминиң йоқлиғиға қаримай, терминлар мәнасини чүшинип, келәчәктә йеңи материалларниң пәйда болидиғанлиғини болжалиди. Алимларниң пикричә бу қәдәр алгоритмлар илимниң тез тәрәққий етишигә мүмкинчилик яритиду.

Заманивий алгоритмлар бемарниң ағриғини дохтурлардинму тез ениқлайду һәм компьютерлиқ оюнларда һәтта чемпионларниму йеңип чиқиш ихтидариға егә. Амма,сүнъий интеллектниң илмий йеңилиқ ечиш қабилийити барму?

Берклидики Лоуренс намидики Миллий лаборатория тәтқиқатчилири сүнъий интеллектниң мундақ қабилийитиниң бар екәнлигини тәкитләйду. Бу лаборатория тәтқиқатчилири алгоритмниң бесилип чиққан илмий мақалиларни бир – бирси билән селиштуруп, йеңи билимни таллап елиш қабилийитиниң бар екәнлигини әмәлиятта дәлиллиди.

Science Daily  командиси Word2vec алгоритмиға 1922 жилдин 2018 жилғичә болған арилиқта миңлиған журналларда бесилип чиққан  материаллар бойичә 3,3 млн абстрактлиқ мақалини киргүзгән. Нәтижидә, сүнъий интеллект мақалиларда қоллинилған 500’000 йеңи сөзни ениқлап, уларни 200 сандин туридиған массивқа яки 200 өлчәмлик векторға айландурған. Мошу нәтижиләр асасида уларниң арисидики мунасивәт ениқланған.

Дәсләпкидә Word2vec-ниң материалшунаслиқ бойичә һеч қандақ базилиқ чүшәнчиси болмисиму, айрим терминлар билән чүшәнчиләрниң арисидики мунасивәтни тәһлил қилиш арқилиқ, алгоритм уларниң мәнасини чүшиниш ихтидариға еришкән. Мәсилән, алгоритм Менделеев таблицисидики кристаллиқ решеткиниң немә екәнлигини ениқлиған.

Мошу вақиәләрдин кейин Word2vec мақалиларни  илмий билимләрдики камчилиқларни түзитиш мәхситидә  қолланған. Пәқәт мәтинләр асасида сүнъий интеллект йеңи термоэлектрикилиқ материалларниң йеңи нусхилирини усунған.

Тәтқиқатчилар 10 әң алдинқи қатарлиқ кандидатларни ениқлап, уларниң алаһидиликлирини һесаплап чиқарған. Ениқланғини, уларниң барлиғи саһалар бойичә оттура мәнани егәлләп чиққан.

Келәси басқучта тәтқиқатчилар алгоритмниң илимниң келәчәктә қандақ тәрәққий етидиғанлиғини болжалаш имканийитини синақтин өткүзмәкчи болған. Улар бәлгүлүк бир жиллар арилиғидики мақалиларни елип, шуларниң асасида келәчәктә пәйда болидиған йеңи материалларни болжалиған. Болжамларниң көпчилиги кейин чиққан материалларда испатланған. Мәсилән, 2008 жилғичә болған мәлуматлар асасида   алгоритм тәрипидин ениқланған бәш асасий болжамниң үчи өз испатини тапқан йәни дәлилләнгән.

Word2vec тәрипидин берилгән болжамларниң дәллиги топ әзалири үчүн күтүлмигән вақиә болди. Алимларниң пикричә  әгәр алгоритм буниңдин 50 жил илгири пәйда болған болса, у чағда көплигән муһим материаллар буниңдин бир аз бурун кәшип қилинған болар еди. Алгоритм кейинки онлиған жиллар арисида йезилған мақалилар вә әдәбиятлар билән ишләштә заманивий тәтқиқатчиларниң өмрини һәм уларниң ишини бир аз йеникләштүридиғанлиғи шүбһисиз.

Бөлүшүш:
Реклама

ЖАВАП ҚАЛДУРУҢ

Пожалуйста, введите ваш комментарий!
пожалуйста, введите ваше имя здесь