Аилидики мунасивәтни сақлаш тоғрисидики көз қарашлар. Әр кишиниң пикри асасида.

0
200

Биз минсиз адәмниң болмайдиғанлиғини яхши  билимиз. Дәсләпкидә биз өз ара мунасивәтләрдә қанчә тиришмайли, ахир қандақла болмисун бир проблема пәйда болиду. Көп вақитта мунасивәттә әрниң ата – анисиниң көңлиниң толмаслиғи,яки қизниң ата – анисиниң чүшәнмәслиги, уруқ – туққанларниң көз қарашлири яшларниң өмригә арилишиш билән аяқлишиду.

Әпсуслинарлиқ йери, яшлар аиләвий мунасивәтни қурушқа қизиқмайду яки уларниң интилиши наһайити сус. Бүгүн мошу мәсилигә мунасивәтлик көплигән әхбаратлар можут. Яшларниң ата – анилириму көп вақитта уларниң мунасивитини техиму күчәйтишниң орниға, отқа май қуюп бериду. Өзлириниң келини яки күйоғли тоғрисида сәлбий пикирлирини очуқ ейтип, аилиниң һулиниң қурулушиға тосалғулуқ қилиду.

Әпсуски,яш келин өйидә болған жанжаллардин кейин уни өз достлири билән бөлүшиду, достларниң арисидин өзлириниң мәслиһитини беридиғанлар чиқиду. Әгәр у дости аилә қурған болуп, өз аиләвий һаятини баһалиса яхши. Әгәр у ажирашқан болсичу? Мундақ достлар пәқәт ажришишни мәслиһәт қилалайду. Әр кишиләрдиму һәм шу әһвал. Шуңлашқиму, яшларға мәслиһәтчиләрни наһайити еһтиятлиқ билән таллиған әвзәл. Мәслиһәтчи бай өмүрлүк тәжрибиси бар, әқил тохтатқан болуши керәк.

Шуни тәкитләш керәкки, көп вақитта ажришиш мәсилисини оттуриға қойидиған у аяллар. Раст әрләр көп вақитта жавапкәрчиликни сәзмәйду, ичимлик ичиду, тамашиға хуштар. Шуниңға бағлиқ уларниң бу қилиқлириға көнгүң кәлмәйду. Буни һәммиси чүшиниду. Бирақ аялниң өзиму һәм униң әтрапидикиләрму мундақ шараитта немә қилиш керәклигини билмәйду. Буниңдин чиқар йол бирла – у өз йолдишиниң қизиқишлириниң йөнилишини өзгәртиш.

Һеч бир әр кишиниң әгәр униңға үзлүксиз вақирап урушуп,уни болумсиз саниса,униң өз аилиси үчүн бирәр бир иш қилишқа хулқи болмайду. Мундақ мунасивәтниң сәвәвидин бир – бири билән йеқинлишиш иштияқиму йоқайду, тиничлиқта ички жанжал башлиниду. Әр өз достлири билән ичимликкә берилиду яки өзигә силиқ һәм назук бир дост тапиду. Әргә ғәзәп толған жанжаллар әмәс, меһриванлиқ, күтүм һажәт.

Аялға келидиған болсақ, көп вақитта аялни пәқәт униң йенидики пәрзәнтлири тутуп туриду. Бәзидә уларму униңға тосалғу болиду. У башқилар билән меһриван, көйүмчан , сипайә болиду, амма, өз йолдиши билән әмәс.

Шуни әстин чиқармаслиқ керәкки, һәр қандақ утуққа йәткән әрниң кәйнидә әқиллиқ, данишмән аял туриду. Бирақта, немишкә аяллар өз аилисидә данишмәнлик қилалмайду? Мениң болжамим, билип – тонуш, бәхитлик аиләвий һаятниң  мәзирини издәшкә тиришқандин, эмоцияләр илкидә жүргән йенигирәк.

Асасий проблема, баштинла аилә қуруш тоғрисидики қарарлар өйлиниш керәклиги асасида тезликтә қобул қилиниду, муһәббәт билән әмәс. Муһәббәтсиз аилә қуруш – бу ялғузлуқта биллә өмүр сүрүштур.Кейин бу биллә өмүр сүрүш муһәббәтсиз бәхитсиз өмүргә айлиниду. Бу аилидики балилар бәхитсиз аиләвий һаятниң барлиқ программисини өзлиригә сиңдүриду. Силәр тәрбийиләп олтарған пәрзәнтләр силәрдин башқа һеч йәрдә аиләвий бәхитлик һаятниң қир — сирини үгинәлмәйду. Әгәр силәр уларға бу тәрбийәни бәрмисәңлар, өз балилириңларниң бәхитсиз аилидә өмүр сүридиғанлиғиға тәйярлиниңлар. Әң әвзили, балилириңлар кичик вақтида өзәңлар бәхитлик аиләвий һаятниң сирлирини үгинишкә алдираңлар.

Адәттә, күчлүк аял һәққидә гәп қилғанда наһайити қопал, минәзи қаттиқ аялларни ейтиду. Шуни әстә сақлиған орунлуқки, аиләвий мунасивәтләрдә физикиниң асасий қанунлири ишқа қошулиду. Мәсилән: тартилиш қануни, һәрикәт вә қаршилиқ, хәвәр беридиған томурлар вә һаказилар.

Әгәр аял өз  минәзидә  әркәкниң алаһидиликлирини тәрәққий әттүрсә, әрниң бойида аялниң минәзи тәрәққий етиду. Аялға бу керәкму? Чүшинишлик, аял ялғуз қалған пәйттә, өз зиммисигә еғир жүкни алиду. Бирақ немишкә бәзи бир аяллар бәшинчи – алтинчи қетимлиқ турмушқа чиқиду.

Буниң жавави ениқ: аял әр минәзи билән әмәс, аял аял болуп қалиду. Бу аиләвий һаят тоғрисидики әрниң қисқа көз қариши. Мән өз пикримниң догма болушиға интилмаймән, бирақ, униң көпчиликкә чүшинишлик болғанлиғиға ишинимән.

Ядикар Ғәниев.

Бөлүшүш:
Реклама

ЖАВАП ҚАЛДУРУҢ

Пожалуйста, введите ваш комментарий!
пожалуйста, введите ваше имя здесь