Мәдәнийәт мәркизи

Жумһурийәтлик Уйғур мәдәнийәт мәркизи Қазақстан Жумһурийити Миллий пәнләр академиясиниң академиги, Қазақстан Жумһурийитиниң пән әрбаби, филология пәнлириниң доктори, профессор Ғожәхмәт Сәдвақасовниң тәшәббуси билән 1989-жили март ейида қурулған вә Ғожәхмәт Сәдвақас оғли униң рәиси болуп сайланған. Мәркәзни 1993- 97- жиллири филология пәнлириниң намзити, Қазақстан Язғучилар иттипақиниң әзаси Рабик Исмайилов башқурди. 1997-жилниң ноябрь ейидин башлап, мәзкүр жәмийәтлик тәшкилатқа профессор, Қазақстан Жумһурийити хәлиқлири ассамблеяси Миллий Кеңишиниң әзаси, «Достық» ордениниң саһиби Пәрһат Һасанов рәһбәрлик қилди.2003-2012-жиллири мәркәзниң тизгинини «АЗМК» акционерлиқ жәмийитиниң баш мудири, «Парасат», II дәрижилик «Достық» орденлириниң саһиби Әхмәтжан Шардинов қолға алди. У өзиниң жәмийәтлик паалийити давамида ҚХА рәисиниң орунбасари болуп сайланди. «Нур Отан» партияси Сәясий кеңишиниң әзаси болди, IV вә V қетим чақирилған Алмута шәһәрлик мәслиһәтниң депутати болуп сайланған. 2012-жилниң май ейидин башлап жумһурийәтлик Уйғур этномәдийәт мәркизини профессор, сәясәтшунас, истипадики полковник, алтинчи қетим чақирилған Қазақстан Жумһурийити Парламенти Мәжлисиниң депутати, Қазақстан хәлқи Ассамблеяси Кеңишиниң әзаси, «Құрмет» ордениниң, Қазақстан хәлқи Ассамблеясиниң «Бірлік» алтун медалиниң һәм бирқатар дөләт мукапатлириниң саһиби Шаһимәрдан Нурумов башқуруп келиватиду.

ЖУЭМниң мәхсити – уйғур хәлқиниң тилини, урпи- адәтлирини, мәдәнийити билән тарихини сақлаш вә тәрәққий әткүзүш, көп милләтлик Қазақстан Жумһурийитидики хәлиқләр достлуғи һәм милләтләр ара разимәнликни мустәһкәмләш, яш әвлатни вәтәнпәрвәрлик роһта тәрбийиләш болуп һесаплиниду.

ЖУЭМ тәркивидә Алимлар (рәиси Һакимжан Арупов), Маарип (рәиси Шавкәт Өмәров), Медицина хадимлири (рәиси Әбәйдуллам Жаппаров), Рәссамлар (рәиси Әхмәтжан Әһәт), Ветеранлар (рәиси Мухпул Йүсүпов), Яшлар (рәиси Рустәм Хәйриев), Спорт (рәиси), Ханим –қизлар (Сәнәм Беширова), Нураний Анилар (рәиси Гүлжаһан Муратова), Мәшрәп (рәиси Тәлъәт Надиров) вә Жигитбашлири (рәиси Абдурешит Мәхсүтов) кеңәшлири, шундақла, уйғур тилида билим беридиған мәктәпләр ассоциасияси (рәиси Шавкәт Өмәров), «Жанан» жәмийәтлик фонди ( рәиси Мизангүл Авамисимова), «Анилар» кеңиши (рәиси Зорәм Авутова) паалийәт елип бариду.

Бөлүшүш: