Шаһимәрдан  Үсәйиноғли НУРУМОВ-Қазақстан Жумһурийити  Парламенти Мәжлисиниң   депутати, Қазақстан хәлқи Ассамблеяси Кеңишиниң әзаси, «Қазақстан уйғурлириниң жумһурийәтлик этномәдәнийәт мәркизи» жәмийәтлик бирләшмисиниң рәиси 

Шаһимәрдан НУРУМОВ 1950-жили Алмута вилайити Уйғур наһийәсиниң Ачиноқа йезисида туғулған. Шу йезидики оттура мәктәпни «Алтун медальға» тамамлиған. В. И. Ленин намидики Ташкәнт дөләт университетиниң шәриқшунаслиқ факультетида тәһсил көргән. Әмгәк паалийитини 1973-жили Алмута вилайити, Әмгәкчиқазақ наһийәлик комсомол тәшкилатиниң кативи хизмитидин башлиған. 1975-79-жиллири Уйғур наһийәсиниң Октябрь оттура мәктивидә муәллим, илмий мудир вә мудир хизмәтлирини атқурған.
1979-2009-жиллири СССР вә Қазақ ССР дөләт бехәтәрлик комитетлирида, шундақла Қазақстан җумһурийитиниң Миллий бехәтәрлик комитетида көплигән җавапкәр лавазимларда ишлигән. 2009-2012- жиллири Қазақстан җумһурийити Пәнләр академиясиниң Р. Сүлейменов намидики Шәриқшунаслиқ институтида чоң илмий хадим вәзиписини атқурған. 2012-жилдин бу ян «Қазақстан уйғурлириниң җумһурийәтлик этномәдәнийәт мәркизи жәмийәтлик бирләшмисиниң рәиси, Қазақстан хәлқи Ассамблеяси Кеңишиниң әзаси. VI қетим чақирилған Қазақстан җумһурийити Парламенти Мәҗлисиниң депутати. Истипадики полковник, сәясәтшунас, шәриқшунас алим, профессор. «Құрмет» ордениниң вә бир қатар медальларниң саһиби.

Жапаров Абайдулла Мухидинович

Жаппаров Әбәйдуллам Муһидин оғли-башқарма әзаси, Алмута шәһәрлик шөбисиниң рәиси

1950-жили Алмута вилайити Қорам йезисида дунияға кәлгән. 1976-жили Алмута медицина университетини аяқлаштуриду. 1977-жилдин башлап № 5 Шәһәрлик клиникилик дохтурханисинида дохтур-ординатор вә иңәк-үз хирургияси бөлүминиң башлиғи болуп ишләп келиватиду. Аңлиқ һаятиниң 42 жилини практикилиқ вә педагогикилиқ паалийиәткә беғишлиди. Медицина пәнлириниң намзити, доцент. Илмий иш-паалийити көпқирлиқ: травматология мәсилилири, шундақла иңәк-үз саһасидики ишиқ, соғ өтүш мәсилилири. Әң көрнәклик әмгәклири үз тартуқлириниң пластикисиға беғишланған. 100 дин артуқ нәшир қилинған әмгәкләрниң, 2 монография, 8 медицина дәрисликлириниң, 14 кәшпий патентниң, 20 дин артуқ рационализаторлиқ тәклипләрниң муәллипи. Саламәтликни сақлаш министрлигиниң вә шәһәрлик саламәтликни сақлаш бөлүминиң  пәхрий ярлиқлири билән бир нәччә қетим мукапатланди.

2005-жили «Евразия» жәмийәтлик фондиниң дипломи билән, Қазақстан Жумһурийтиниң тиббий илиминиң риважлинишиға қошқан һәссиси үчүн Алтун медаль билән, шундақла әң йеңи хирургиялиқ уссулларни кәшип қилип һәм әмәлий медициниға киргәзгини үчүн  «Алтун скальпель» билән тәғдирләнди. 2008-жили «Қазақстан алимлириниң Алтун фонди» энциклопедиясиға кириду. 2009-жили Саламәтликни сақлаш министрлигиниң «Казахстан Республикасы денсаулык сактау iciнiн уздiгi» бәлгүсини елишқа муйәссәр болди. 2015-жили Қазақстан Хәлқи Ассамблеясиниң «Бирлик» Алтун медалиға сазавәр болди. 2016-жили әң алий билимлик, камчилиқсиз ишбиләрмән абройи үчүн, қоюлған вәзипиләрни әмәлгә ашурушта тәсир-тәшвиқати, кархана қәдрийәтлиригә берилгини үчүн Қазақстан Жумһурийитидики Миллий бизнес-рейтингниң қарари бойичә  «Bene merenti de professione» медали билән мукапатланған. Бүгүнки күндә № 5 Шәһәрлик клиникилик дохтурханисинида иңәк-үз хирургияси бөлүминиң башлиғи болуп ишләп келиватиду. Аилилик, икки оғли вә бәш нәвриси бар.

Тохтахунов Имин Әкбәр оғли-башқарма әзаси, Талғир наһийәлик мәдәнийәт мәркизиниң рәиси

Тохтахунов Имин Әкбәр оғли-1950-жили 23-декабрь күнифото Тохтахунов Имин Акбар ШУАРниң Ғулжа шәһиридә дуниға кәлгән. 1959-1968жили Қазақстан тәвәсидики  Талғир наһийәсигә қарашлиқ Қизилғәйрәт  оттура мәктивидә тәһсил көриду. 1968-1969 жж.Алмута шәһиридики гөш комбинатида ишләйду. 1969-1971жж Жамбул шәһиридә һәрбий хизмәттә болди. Қайтип келип 1975-жилғичә гөш комбинатида ишләйду. Андин кейин 1995-жилғичә Талғир шәһиридики № 6 цехта яғашчи уста болуп ишләйду. 1989-жилдин 2012-жиллар арилиғида Қизил Ғәйрәт мәһәллисидики мәдәнийәт мәркизиниң рәиси хизмитини атқуриду. 2012-жилдин та бүгүнки күнгичә Талғир наһийәсиниң этномәдәнийәт мәркизиниң рәиси. 2011-жили Талғир наһийәсиниң Пәхрий пухраси аталди. 2014-жили Бауыржан Момышулыниң «Батыр шапағаты» медали билән мукапатланди. 2015-жили «Қазақстан Халқы Ассамблеясыға 20 жыл» медали билән, 2016-жили «Ел ардақтысы» медали билән, шу жили «Қазақстан Жумһурийити мустәқиллигигә 25-жил» медали билән, 2017-жили Қазақстан Уйғурлириниң этномәдәнийәт мәркизиниң «Сахавәт» медали билән тәғдирләнди.

Е Асметов

Ершат Моллахун оғли ӘСМӘТОВ-башқарма әзаси, рәисниң орунбасари

1965-жили Уйғур наһийәсиниң Кичик Дехан йезисида туғулған. 1982-жили мәзкүр йезидики оттура мәктәпни тамамлиған. Оттура мәктәптин кейин Яркәнт педагогика училищесида, 1988 — 1993-жиллири һазирқи Әл-Фараби намидики Қазақ Миллий университетиниң журналистика факультетида тәһсил көриду. Арилиқта вәтән алдидики һәрбий борчини ада қилип қайтиду. 1993 — 1995-жиллири Кичик Дехан оттура мәктивидә уйғур тили вә әдәбияти пәнлириниң муәллими, мәктәп мудириниң тәрбийә ишлири бойичә орунбасари болуп ишләйду. 1995-жилдин тартип җумһурийәтлик «Уйғур авази» гезитиниң редакциясидә мухбир, бөлүми башлиғи вәзипилирини атқурди. 2012 — 2014-жиллири мәзкүр нәширдә баш муһәррирниң орунбасари — мәсъул катип хизмитидә ишлиди. 2014-жилниң март ейидин башлап җумһурийәтлик иҗтимаий-сәясий «Уйғур авази» гезитиниң баш муһәррири.

Қазақстан Журналистлар иттипақи мукапитиниң лауреати (2012), Қазақстан хәлқи Ассамблеясиниң әзаси (2013), Уйғур наһийәсиниң Пәхрий граждини.

            Закиржан Пирмуһәммәт  оғли Кузиев –Алмута вилайәтлик мәслиһәтниң депутати, мәркәзниң Алмута вилайити бойичә рәиси

1969-жили Алмута шәһиридә дунияға кәлгән. 1988-1990 жиллар арилиғида һәрбий хизмәттә болди. Иш паалийитини  1990-жили «Ремстройтехника»  ишләп чиқириш бирләшмисидә столяр-станочник  болуп башлайду.1991-жили монтаж бөлүминиң инструктори  болуп коммерциялик  ишләп чиқириш карханисиға йөткилиду.1992-жили болса, «Единство» /Бирлик/ карханисиға директорниң орунбасари хизмитигә тайинлиниду. 1996-жили «Универсал» карханисиниң президенти болуп сайлиниду. Бүгүнки күндә «Универсал» ширкәтләр топи Қазақстан Жумһурийти бойичә көп саһалиқ ишләп чиқиришниң илғар карханилар қатарида турмақта. Мәзкүр ишләп чиқириш орниниң паалийәт жүргүзүп келиватқан жиллар давамида, униң көчүш дәвриниң қиийинчилиқлири, коллективни сақлап қелиш жавапкәрлигиниң еғир жүки, ишләп чиқириш технологиялирини сақлап қелиш, өз вақтида дурус йолда ихтисаслиниши охшаш муһим вәзипиләр Закиржан Пирмуһәммәт оғли Кузиевқа жүкләнди. 1999-жилдин «Нур Отан» партиясиниң әзаси. 2005-жили «Яркәнт крахмал -ширнә заводи»ни тәшкил қилиду.

  • 2007-жили «Алтын сапа» сүпәт саһасидики утуқлири үчүн Қазақстан Жумһурийитиниң «2007-жилниң әң илғар тижарәтчи» сазавәр болди
  • 2007-жили Қазақстан вә Алмута вилайити бойичә ишләп чиқириш саһасидики әң илғар тижарәтчи аталди
  • 2007-жили интеграциялик жәриянға қошқан шәхсий һәссиси үчүн «United Europe» (Бирләшкән Европа) хәлиқарилиқ мукапитиға елишқа муйәссәр болди
  • 2012-жили «Жилниң илғар топменеджери» ( «Best manager of the year») хәлиқарилиқ диплом вә бәлгү билән мукапатланди
  • 2012-жили мәмликитимизниң ижтимаий-ихтисадий вә мәдәний риважлинитшиға қошқан төһписи вә жәмийәтлик паалийити үчүн «Ерен енбегі үшін» мукапити билән тәғдирләнди
  • 2014-жили «Универсал» ЖЧЙ «Миллий бизнес-реитинглириниң хәлиқарилиқ реитинг кеңишиниң» ТОП-50 ичидә 6-орун (алтун) елип, «2014 жилниң экспортери» аталди һәм сертификат елишқа муйәссәр болди. Ширкәт рәһбири Закиржан Пирмуһәммәт оғли Кузиев « IMPORT EXPORT AWARD»орденини елишқа сазавәр болди
  • 2015-жили «Яркәнт крахмал -ширнә заводи» «Йеза егилиги  қайта ишләп чиқириш бойичә әң илғар кархана номинацияси бойичә 1-орунни егилиди
  • 2016-жили Алмута вилайәтлик мәслиһәтниң депутати болуп сайланди. Бюждет, тариф сәясити, қануний тәминләш мәсилилири бойичә дайимлиқ коммиссиясиниң әзаси.
  • 2017-жилдин Қазақстан Хәлқи Ассамблеясиниң әзаси
  • 25 тин ошуқ илмий әмгәкниң мәллипи. Меценат һәр жили, спортни, маарипни, саламәтликни сақлаш вә мәдәнийәтни, шундақла Алмута вилайитидики турмуши еғир аилиләрни қоллап, хәйрихаһлиқ акцияләр өткүзүду.

Шәмшиқәмәр Абдрахманова-мәркәз рәисиниң орунбасари

1966-жили Алмута шәһиридә туғулған. Бүгүнки күндә  Қазақстан Жумһурийити әдлийә министрлиги тәрипидин берилгән  № 0000227 лицензияси асасида Алмута шәһиридә шәхсий нотариус болуп ишләйду. Кәспий медиатор, мәшиқләндүргүчи –медиатор.

1983-жили Алмутидики № 77 мәктәпни аяқлаштуруп, Киров намидики (һазирқи Әл Фараби намидики)  Қазақ Миллий университетиниң физика математика факультетида тәһсил көрди. 1993-жили мәзкүр университетниң әдлийә факультетини сирттин пүтириду. 2011-жили медитация бойичә умумий курсни һәм мәшиқләндүргүчиләрниң курслирини түгәтти. Өзиниң иш паалийитини Қазақ ССР Илим Академияси математика вә механика институтида чоң лаборант хизмитидин башлайду. Андин мәктәптә устазлиқ қилиду. 1987-жилдин 1992-жилғичә Алмутидики Совет наһийәсидә комсомол комитетиниң кативи болиду. КазГУниң әдлийә факультетини пүтүрүп, Алмута шәһәрлик мәмурийитидә юрист болуп хизмәт атқуриду. 1994-1998 жиллар арисида Әдлийә министрлигиниң тиркәш хизмити Комитетида баш кеңәшчи (мутәхәссис) болуп ишлиди. Қазақстан Жумһурийтидә юридик шәхсләрни тиркәш бойичә қануний актларни ишләп чиқишта, приватизациялик дөләтлик программини түзүп чиқиришқа қатнашти. Министрликтә ишләп жүрүп, нотариальлиқ паалийиәткә квалификациялик емтиһанни утуқлуқ (98 балл) өткәзди. Министрлик пайтәхткә көчүп кәткәндин бу ян, йәни 1998-жилниң ноябрь ейидин лицензия елип, Жәнубий пайтәхттә нотариус болуп ишләватиду. Жумһурийәтлик нотариальлиқ палатиси ревизиялиқ коммисиясиниң әзаси болуп икки қетим, дисциплинарлиқ коммисияниң әзаси болуп бир қетим сайланди. Қазақстанниң инвестициялик жәлиплик шәхсләр листингиниң шериги. 2011-жилдин башлап, медитация бойичә курсларни аяқлаштуруп, кәспий медиатор, медитация бойичә тренерниң сертификатини  алди.Қазақстан Жумһурийтиниң 10 жиллиғиға Президентниң шәхсий миннәтдарлиғини, «Бирлик» медалини һәм Қазақстан Хәлқи Ассамблеясиниң миннәтдарлиғини вә  пәхрий ярлиқлирини елишқа муйәссәр болди.Жәмийәтлик паалийити: Жумһурийтәлик Уйғур этномәдәнийәт мәркизи рәисиниң орунбасари, дунияйүзилик РЕН клубниң әзаси, ««Уйғур авази» достлири» клубиниң рәиси болуп сайланған. Мәктәпләргә, балилар өйлиригә, мечитларға, нака балиларға хәйрихаһлиқ қилиду. Аилилик, икки пәрзәнди бар.

Бөлүшүш: